Covid-19 nuk ka kursyer as jetën e një të riu 34 vjeç nga Tirana. Ai ishte viktima më e re në moshë në 24 orët e fundit si pasojë e infektimit nga Covid -19. Sipas Ministrisë së Shëndetësisë, të shtunën u shënuan 7 viktima dhe 241 të infektuar. Nisur nga rastet në rritje, Ministria e Shëndetësisë hapi spitalin Covid 3, ku po marrin trajtim 10 pacientë.
Që ngaa fillimi i paandemisë numri i viktimave ka arritur në 509 persona. Duket se virusi po e ul moshën që prek më rëndë. Po ashtu virusi shkaktoi vdekjen e një 44-vjeçari dhe një 66 vjeçari nga Tirana. Nuk mundën të mbijetonin një 48 vjeçar nga Pogradec një 68 vjeçar nga Korça një 68 vjeçar nga Elbasani si dhe një 81 vjeçar nga Fieri me sëmundje bashkëshoqëruese.
Ministria e Shëndetësisë raportoi se ka kryer 274 testime më pak, ndaj edhe numri i të infektuarve të shtunën ishte më i ulët, 241. Për shkak të ezaurimit të kapaciteteve në Spitalin Infektiv dhe “Shefqet Ndroqi”, të premten hapi dyert spitali i tretë Covid, në ambientet e ish-kururgjisë në QSUT
