Ministria e Shëndetësisë së Italisë, ka bërë publike shifrat e fundit sa i përket situatës së koronavirusit në vend.
Gjatë 24 orëve të fundit janë regjistruar 17.246 raste pozitive dhe 522 humbje jete. Në total në Itali janë mbi 2.3 milionë të infektuar dhe 80.848 viktima që nga fillimi i pandemisë.
Gjitashtu në Itali janë raportuar dy raste të llojit të ri të koronavirusit, i cili së pari u zbulua në Mbretërinë e Bashkuar.
Pacienti i parë së fundmi kishte ardhur nga Britania e Madhe, por pacienti i dytë nuk ka pasur asnjë kontakt me vendin e origjinës së variantit të ri të koronavirusit.
Italia iu bashkua iu bashkua gjithashtu edhe vendeve të tjera evropiane në ndalimin e fluturimeve nga dhe drejt Britanisë së Madhe për një periudhë të pacaktuar, për shkak të shqetësimeve për llojin e ri më transmetues të koronavirusit, i cili futi sërish në karantinë të plotë Mbretërinë e Madhe.
Qeveria italiane vendosi po ashtu, kufizime të rrepta edhe gjatë festave të Krishtlindjeve, respektivisht duke kufizuar lëvizjet publike dhe grumbullimet masive që mund të përhapin virusin në të gjithë vendin, me çka mund të shkaktohet më pas një valë e tretë e covid-19, duke përsëritur më pas me gjasë edhe një skenar dramatik si ajo e periudhës mars-prill të vitit 2020-të.
Kujtpjmë se gjatë perudhës së festave të fundvitit deri në 6 janar, italianët që ktheheshin nga udhëtimet jashtë vendit, ishin të detyruar të qëndronin në karantinë dy-javore./Gazetareforma.com/
