Vijon të thellohet bilanci nga Covid-19 në Itali, pasi gjatë 24 orëve të fundit kanë humbur jetën 446 persona, nga 437 viktima që u regjistruan dje.
Sakaq, janë regjistruar 2,646 raste të reja, kundrejt 3,370 rasteve të identifikuara dje.
Kështu, numri i të vdekurve në total është 25, 549, ndërsa numri i të infektuarve 189, 973.
Drejt përmirësimit duket situata edhe në spitale, pasi 934 pacientë banë larguar ditën e sotme, teksa 22, 871 të tjerë po kurohen në strukturat spitalore, nga të cilët 2, 267 janë në terapi intensive.
Italia numëron 57, 576 të shëruar dhe në 24 orët e fundit është shënuar një shifër rekord pasi 3,033 të infektuar janë shëruar, teksa që nga fillimi i përhapjes së pandemisë e deri tani janë realizuar gjithsej 1.579, 909 testime.
Disa ditë më parë në mediat fqinje u raportua se qeveria pritet të miratojë një dekret të ri që sjell një paketë prej 70 miliardë eurosh, duke iu ardhur në ndihmë bizneseve, punëtorëve, familjeve, ku 30 miliardë euro do të jenë për likuiditet për kompanitë, ndërsa rritet pagesa për bizneset e mbyllura, nga 600 në 800 euro për 2 muaj.
Prej ditësh shteti italian ka nisur ringritjen duke ideuar një paln me 5 pika, teksa qeveria ka paralajmëruar lehtësimin e masave dhe është gati t’i rikthehet pak nga pak jetës, teksa ekspertët kanë përgatitur skenarin e fazes së dytë.
Italia gati t’i rikthehet jetës! Ekspertët ideojnë fazën e dytë: Distancim fizik edhe më të ashpër
Ndërkohë, Italia ka vendosur që të aplikojë të shumëpërfolurin “testim masiv” që në disa vende ka dhënë rezultat pozitiv, duke arritur të izolohet virusi që po tmerron botën, ndërsa javën që lamë pas nisi edhe testimi serologjik, i cili do aplikohet edhe në vendin tonë me stafin e QSUT.
Italia i provon të gjitha armët kundër COVID-19: Nis “pasaportat e imunitetit”
Ndër vendet më të prekura nga koronavirusi: Itali ndërmerr hapin e rëndësishëm
