Pas disa javësh tragjike, duket se Italia është futur në ditët e fundit të mbylljes së fazës së parë të një regjimi të hekurt masash izolimi të vendit e mbylljes së çdo aktiviteti tregtar e prodhues.
Në 24 orët e fundit janë regjistruar 382 viktima dhe 2,091 raste pozitive, duke e çuar numrin e përgjithshëm të viktimave në 27, 359, ndërsa numri i të prekurve tashmë ka shkuar në 201, 504.
Aktualisht pacientë aktivë me koronavirus janë 105, 205, teksa ditën e sotme janë shëruar 2,317 persona e numri i përgjitshëm i të shëruarve është 68, 941.
Në 24 orët e fundit raportohen 93 pacientë më pak në terapi intensive dhe në struktura spitalore janë 630 pacientë më pak të shtruar e numri i pacientëve që po kurohen në sistemin spitalor është 19, 723.
Dy ditë më parë, kryeministri Conte bërë të ditur masat e reja lehtësuese, ku pritet të hapen industritë prodhuese dhe të ndërtimit, ndërsa sa i përket shkollave do të hapen në shtator.
LEXO: Italia drejt çlirimit/ Conte shpall planin e ri: Ja çfarë parashikohet, nga bizneset tek shkollat
