COVID-19, që lind në Kinë në fund të nëntorit të 2019, tashmë është përhapur në të gjithë botën dhe mbrëmjen e sotme bilanci i të prekurve dhe viktimave është thelluar dhe tashmë numërohen 1, 000, 955 të infektuar, 51, 375 viktima dhe 210, 244 të shëruar në gjithë botën.
Kina që u përballë e para me këtë ‘armik të padukshëm’, ia doli të shmangte bilancet katastrofike dhe numëron deri tani të 3, 318 vdekur dhe 81, 589 të prekur.
Tashmë, pas rreth 3 muajsh në karantinë, Kina i është kthyer normalitetit dhe ndonëse janë regjistruar raste të reja, autoritetet kineze raportojnë se ata janë persona që kanë hyrë në Kinë pas hapjes së kufijve.
Nga ana tjetër, Italia është paralizuar prej javësh nga virusi i rrezikshëm, i cili në shtetit italian ka shkaktuar numrin më të lartë të vdekjeve.
Deri tani kanë humbur jetën 13,915 italianë dhe janë infektuar 115, 242 të tjerë.
I frikshëm është bilanci edhe në Spanjë, që renditet e dyta në rang botëror për numrin e viktimave dhe deri tani kanë humbur jetën 10, 096 persona dhe janë 110, 238 të infektuar.
Gjermania duket se ka shkallën më të ulët të vdekshmërisë, sepse numëron 84, 600 të prekur dhe 1, 097 viktima dhe mendohet se vdekjet janë vënë nën kontroll për shkak të testimit masiv.
Ndërkohë, SHBA ka numrin më të lartë të personave të prekur dhe deri tani janë infektuar 236, 221 persona dhe kanë vdekur 5, 780 të tjerë.
Në vendin tonë, nga 9 marsi e deri tani janë infektuar 277 persona, teksa në total deri më tani janë kryer 1919 testime, si dhe kanë humbur jetën 16 persona.
Numri i fëmijëve të prekur ka shkuar në 8 dhe gjendja e tyre është e stabilizuar.
Sakaq, më e normalizuar duket situate në Kosovë, ku janë prekur 125 persona dhe kanë vdekur 2 persona.
