Coronavirusi, thellohet bilanci! Shkon në 18 numri i të infektuarve në Francë

Google+ Pinterest LinkedIn Tumblr +

Coronavirusi vijon përparimin e tij në pothuajse çdo shtet, ku numri i të prekurve po rritet dita-ditës dhe deri më tani raportohen mbi 2,770 të vdekur dhe rreth 81 mijë të prekur në rang botëror.

Këtë javë, e gjitha vëmendja është në Europë, ku janë regjistruar të infektuar në disa shtetet, por situata më problematike paraqitet në Itali.

Së fundmi, mësohet se numri i të infektuarve në Francë ka shkuar në 18, pasi një rast i ri është konfirmuar mbrëmjen e sotme.

Lajmin e ka bërë me dije vetë ministri i Shëndetësisë Olivier Véran, i cili tha se pacientja ishte gruaja e një burri që kishte rezultuar më parë pozitiv ndaj testit.

Në shtetin francez deri më tani kanë humbur jetën 2 persona, në Itali 12, teksa janë regjistruar 2 të infektuar në Austri, një në Kroaci, një në Maqedoninë e Veriut dhe një në Greqi.

Vendi ynë vijon të rezistojë dhe deri më tani nuk është regjistruar asnjë i infektuar.

Shpërndaje
Share.

Komento