Numri i të infektuarve nga Coronavirusi në vendin tonë ka shkuar në 42 persona dhe në 24 orët e fundit janë testuar 27 raste të dyshuara, qytetarë dhe personel shëndetësor, prej të cilëve janë edhe 2 mjekë me COVID-19.
Deri në këto momente, në total janë testuar 532 raste të dyshuara dhe prej tyre janë të konfirmuar pozitivë me COVID-19, 42 raste:
Tiranë 26 raste
Durrës 5 raste (njëri prej të cilëve ka ndërruar jetë)
Lushnje 2 rast
Elbasan 2 raste
Fier 5 raste
Rrogozhinë 2 raste
Së fundmi, Top Channel raporton se një tjetër person i shtruar në Spitalin “Shefqet Ndroqi” mund të jetë i infektuar nga COVID-19.
Këto dyshime lindën pasi në ambientet e Spitalit Infektiv, të kthyer në karantinë, është parë një ambulancë e Sanatoriumit, që ka tranportuar një person, rreth të cilit nuk ka ende informacione por nga fotot shihet se bëhet fjalë për një të moshuar.
Deri tani ka shkuar në 3 numri i mjekëve të infektuar, pasi më herët është infektuar edhe një mjek nga Spitali i Durrësit, i cili kishte patur kontakte me viktimën e parë nga COVID-19 në vendin tonë.
Vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier, teksa Rama bëri me dije se duke nisur mga java tjetër të gjitha qytetete duhet të vetëkarantinohen, si Tirana dhe Durrësi.
Po ashtu, ai bëri me dije se pjesë e planit të masave janë edhe spitalet private që do vihen në shërbim të pacintëve të infektuar dhe nëse refuzojnë do të gjobiten me 5 mln lekë.
Lufta kundër COVID-19, Rama merr në dorë spitalet private: “Kush nuk bindet gjobë 5 milionë lekë”
1000 mjekë e infermierë dalin vullnetarë/ Rama shton masat: “E gjithë Shqipëria në karantinë”
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
