Coronavirusi në Shqipëri\ Pipero: “Në të vërtetë janë mbi 1500 të infektuar”

Google+ Pinterest LinkedIn Tumblr +

Që nga 9 marsi e deri tani, bazuar në shifrat zyrtare të publikuara nga autoritetet, në vendin tonë janë 104 të infektuar dhe 4 viktima, teksa pritet që kjo javë të jetë vendimtare mbi ecurinë e situatës.

Mirëpo, mbrëmjen e sotme mjeku Pëllumb Pipero, në emisionin ‘360 gradë’, ka deklaruar se në fakt janë mbi 1500 të infektuar, nisur nga ideja se pas një personi të prekur nga Coronavirusi fshihen 10 të tjerë.

Por, sipas infeksionistit kjo është e pamundur të verifikohet në njësinë e kohës, teksa shtoi se nga ky virus askush nuk është i përjashtuar, por fatkeqësisht moshat e vjetra dhe të sëmurët kronik janë më të rrezikuar.

“Pas një personi fshihen 10 të infektuar dhe në Shqipëri duke llogaritur shifrat që kemi aktualisht janë 1500. Unë mendoj në fakt se janë më shumë se 1500 dhe ky është një realitet i njohur në vendet e tjera, por e pamundur të verifikohet në njësinë e kohës. Nga ky virus askush nuk është i përjashtuar. Të gjithë kemi të prekshëm dhe të sëmurshëm. Të fatkeqësisht moshat e vjetra dhe të sëmurët kronik më shumë. Ne nuk mund t’i shmangemi këtij virusi duke i dalë përballë, por duke zbatuar këshillat dhe vendimet,”– tha Pipero, duke bërë dhe thirrje për respektimin e masave.

Më herët ditën e sotme, si kryeministri Rama, ashtu edhe ministrja e Shëndetësisë, Ogerta Manastirliu, deklaruan se në ditët në vijim do të kemi një rritje të rasteve me të prekur nga Coronavirusi.

Pritet të arrihet piku/ Manastirliu: “Do kemi rritje të rasteve, po punojmë për të hapur laboratorin e dytë”

Po ashtu, Manastirliu bëri me dije se kontrata për blerjen e 54 respiratorëve është gati, teksa shtoi se po vijojnë procedurën për 100 respiratorë të tjerë, që do të mbërrijnë sipas një kalendari të mirëpërcaktuar.

Sipas saj, Ministria ka në gjendje 25 mijë maska dhe pritet furnizimi me 140 mijë maska, teksa deklaroi se po rritet me 10 mijë edhe stoku i veshjeve speciale dhe planifikojnë rritjen e tij me 50 mijë veshje.

COVID-19/ Manastirliu: “Kemi porositur 54 respiratorë të rinj, në gjendje 25 mijë maska”

Virusi i rrezikshëm që lindi në Kinë rreth 3 muaj më parë ka marrë deri tani 16, 350 jetë njerëzish dhe ka infektuar 374, 513 persona në 195 vende.

Shpërndaje
Share.

Komento