Rreth 80 mijë të prekur dhe mbi 2800 viktima- ky është bilanci i deritanishëm nga Coronavirusi që ka prekur 44 shtete.
Në Europë vendi më problematik vijon të jetë Italia, ku kanë humbur jetën 14 persona dhe janë infektuar mbi 500 të tjerë.
Së fundmi, mediat fqinje raportojnë se pre e COVID-19 ka rënë edhe një futbollist i Serisë C në Apenine.
Identiteti i tij nuk është bërë me dije ende, por sipas mediave ai luan në provincën e Sienës dhe simptomat e para i ka shfaqur para një ndeshjeje.
I riu jo vetëm që nuk pranoi të luante, por u fut vullnetarisht në karantinë për të mos rrezikuar përhapjen e virusit.
Pas testit të kryer ai rezultoi pozitiv, për tu tranferuar më pas në departamentin e sëmundjeve infektive të spitalit të Sienës dhe pavarësisht se është prekur nga virusi gëzon shëndet të mirë.
Në vendin tonë nuk është raportuar ende për të prekur, teksa kryeministri Edi Rama ka mbledhur sot Komitetin Kombëtar të Sigurisë, pjesë e të cilës ishin ministra dhe zyrtarë të tjerë , ku temë diskutimi ishin masat e marra kundër koronavirusit.
Rama mbledh Komitetin Kombëtar të Sigurisë, tregon se ku do të ngrihet karantina
