E gjithë bota ndodhet prej javësh në luftë me armikun e padukshëm ‘COVID-19’, teksa deri tani janë regjistruar 18, 552 viktima dhe 414, 661 të infektuar.
Prej ditësh epiqendra e virusit është zhendosur në Europë, teksa të gjitha shtetet po kalojnë një situatë shumë të vështirë.
Britania e Madhe renditet e 6 në kontinentin europian me 8,077 të prekur dhe 422 viktima, teksa së fundmi janë regjistruar 1,427 raste të reja.
Së fundmi, Top Channel bën me dije se mes të prekurve në Britani janë edhe 2 mjekë shqiptarë, të cilët janë karantinuar, teksa nuk dihet gjendja e tyre.
Kujtojmë se Coronavirusi nuk po i kursen as bluzat e bardha, pasi në Itali 23 mjekë kanë humbur jetën, ndërsa në total, 4,824 punonjës shëndetësorë janë infektuar.
Edhe në vendin tonë janë infektuar 9 mjekë, 1 nga Durrësi dhe 8 të Spitalit të Sanatoriumit, teksa ka rezultuar pozitiv me COVID-19 edhe kreu i Urgjencës Kombëtare, Skënder Brataj.
