Liderët e BE-së janë mbledhur kokë më kkoë në Bruksel, ku pas diskutimeve do të vendoset nëse do të hapen apo jo negociatat për Shqipërinë dhe Maqedonin e Veriut.
Franca vijon të jetë e palëkundur në qëndrimin e saj, ndërsa ka mundësi që të vendosë edhe veton.
I njëjtë është edhe qëndrimi i Danimarkës dhe Holandës, ku kjo e fundit ka menduar si opsion edhe ndarjen e Shqipërisë nga Maqedonia e Veriut.
Një ndër përkrahësit më të mëdhënj të Shqipërsië është kryeministri italian, Giuseppe Conte.
Ky i fundit ishte i pranishëm edhe pak ditë më parë në Tiranë. Shefi i qeverisë italiane, garantoi se vota e Italisë është pro.
Gjithashtu ditën e sotme ai ka marrë fjalën përpara Këshillit Europian. Siç shkruan “Top Channel”, Conte mendohet të ketë thënë se moshapja e negociatave është një gabim historik.
Ndër të tjera ai ka shtuar se 2 vende me shumicë myslimane, kanë një jetë që kërkojnë hapjen e negociatave.
“Mbrëmë nuk arritën në një konkluzion. Maqedonia e Veriut dhe Shqipëria kanë një jetë që kërkojnë hapjen e negociatave. 2 vende me shumicë myslimane kanë ëndërr të futen në BE. Takimi i djeshëm do të mbahet mend si një gabim historik. Mos hyrja në BE shpresoj mos t’i bëjë vendet pesimiste”, mësohet të ketë thënë Conte.
Gjatë ditës së djeshme liderët europianë nuk arritën të gjenin gjuhën e përbashkët si pasojë e këmbënguljeve të Francës.
