Policia spanjolle ka zhvilluar një mega operacion për goditjen e grupeve kriminale të trafikut të dorgës.
I koduar “Bela”, operacioni u zhvillua në rajonet e Almerias dhe Andaluzisë.
Në pranga ranë 11 persona, me nënshtetësi polake, shqiptare dhe italiane.
Njëri prej shqiptarëve të arrestuar ishte shpallur në kërkim 9 herë të tjera.
Në banesat e të arrestuarve, agjentët gjetën plot 436 kg marijuanë.
Gjithashtu në cilësinë e provës materiale u sekuestruan, 246 mijë euro, nja kamion, si dhe sende për peshimin dhe paketimin e lëndës narkotike.
Hetimi ndaj grupit kishte nisur që verën e kaluar, pas zbulimit të një kamioni me 92 kg marijuanë.
Sipas hetuesve, lënda narkotike pritej të shpërndahej në Gjermani, Itali dhe Poloni.
