Shqipëria është vendi me çmimin më të lartë të mishit në rajon.
Sipas të dhënave të Eurostat, për 2018-ën indeksi i çmimit të mishit shënoi rritje krahasuar me një vit më parë.
Eurostat ka llogaritur çmimin e mishit në vendet e BE dhe ato kandidate, në raport me fuqinë blerëse, ku mesatarja e BE-së merret niveli 100.
Në Shqipëri, çmimi i mishit ka shënuar një indeks prej 71, nga 67.4 e mesatares evropiane, që ishte një vit më parë, shkruan “Monitor”.
Vendi më i lirë në BE dhe në rajon është fqinji ynë, Mali i Zi me një nivel çmimi 61.9, i ndjekur nga Maqedonia e Veriut me 62.3, Serbia 67.4 dhe Bosnja 68.6.
Përsa i përket vendeve të Bashkimit Europian, Polonia shënoi një nivel të ulët, duke u renditur pas Malit të Zi dhe Maqedonisë së Veriut.
Ndërkohë vendet me nivel të lartë çmimesh janë Zvicra me 2.2 herë më shumë sesa mesatarja evropiane dhe Islanda me nivel 165.
