Teksa çmimi i naftës i vendosur nga Bordi është në” stratosferë”, kryeministri Edi Rama në një takim me peshkatërët në Durës iu premton se ato do të kenë favorizime.
Sipas kryeministrit, peshkatarët do të kenë mundësi ta përdorin naftën me një çmim të unifikuar vetëm për to.
Rama shton se me çmimin standard, furnitorët nuk do të kenë mundësi të abuzojnë apo ndryshe të bëjnë ‘xhibla’. Vlen të theksohet se vendimet e Bordit në lidhje me çmimin e karburanteve asnjeherë të vetme nuk kanë reflektuar bursën. Kështu që besueshmëria e qytetarëve ndaj këtij premtimi të kryeministrit rrjedhimisht është e ulët.
“Do të vendoset një çmim unik tavan për të gjithë peshkatarët në të gjithë vijën e bregdetit i detyruar dhe askush nuk do të bëjë dot asnjë qindarkë lëvizje nga ky çmim, por do t’u shërbejë peshkatarëve pa asnjë lëvizje nga çmimi i detyruar tavan. Këtu nuk mund të ketë vend që të nxjerrin fitime nga djersa juaj duke bërë xhibla me furnizimin. Nuk do ta lejojmë të ketë një dallim mes një furnitori apo një tjetri. Të gjithë furnitorët e naftës për peshkimin do ta kenë çmimin njëlloj të vendosur nga Ministria e Bujqësisë dhe kjo do të bëhet brenda javës. Kush nuk e bën do të detyrohet që të dorëzojë depozita”, u deklaroi Rama.
