Ritja e çmimeve është një nga çështjet më shqetësuese kohët e fundit, ku shporta bazike çdo ditë e më shumë po bëhet e papërballueshme nga qytetarët.
Theksojmë se sipas nje raporti të fundit të INSTAT, gati 50 perqind të rrogave qytetarët elbasanas e përdorin për ushqime.
Qytetarët shprehen për “Fax Web” se pensionet dhe rrogat nuk u mjaftojnë për të siguruar mbijetesën.
Disa prej tyre thonë se blejnë më pak, madje nuk kursejnë as batutat( do shtrëngojmë rripin e pantallonave) ose një tjetër thotë se blen vetëm presh ndërsa e siguron mbijetesën duke rrëmuar në kazanët e plehrave.
Mendimet e qytetarëve në Elbasan:
“Nuk ngrihen për drita e ujë po turren pas deputetëve, është popull legen ky në Elbasan. 120 mijë lekë u jep pensionistëve, nuk u dalin, gjejmë domaten më të lirë, populli është pa punë, spo marrim dot asgjë, me bicikletë ku do ikësh me makinë, le ti ha ai i gjati lekët tona, ti fusi mu në dhe, e mori në qafë këtë popull”.
“Edhe për prasin i morëm lekët borxh , te ne vetëm për votë vjen, na mashtron , po punojmë me koshat e plehrave, s’ka punë. Edhe përkrahjen me zor e marrim. Me 18 mijë lekë përkrahje cfarë do bëjmë?”
“Deri tani kam ngrënë mirë, tani nuk ka më. Tani janë ngriturr shumë. Nuk më dalin lekët e pensioneve, do shesim shtëpinë se s’kemi çbëjmë tjetër. Këtu nuk jetohet më”.
“Të gjithë pensionin për ushqime dhe nuk del më. Do hamë më pak. Do shtrëngojmë rripin e pantallonave”.
