Kryeministri Edi Rama dhe ministrja Ogerta Manastirliu, kanë ndjekur nga afër procesin e vaksinimit të pedagogëve dhe mësuesve në Tiranë.
Ministrja reagoi gjithashtu dhe për dhjetë mijë dozat e vaksianve ruse të ardhura dje në aeroport.
Manastiliu tha se me këto vaksina do të vaksinohen të moshuarit mbi 80 vjeç. Gjithashtu shtoi se në ditët e para të prillit priten të mbërrijnë në Shqipëri doza të vaksinave Pfizer, si dhe janë në negociata me kompaninë AstraZeneca për sigurimin e dozave të tjera të vaksinave.
“Dozat që mbërritën dje, do të vijojmë vaksinimin e të moshuarve + 80 për të ndjekur planin e vaksinimit. Presim të na vijnë doza të tjera të Pfizerit në ditët e para të prillit. Presim nga COVAX një sasi tjetër të AstraZenecas deri në 60 mijë doza. Me të Kosovës thuajse kemi mbaruar, kemi dhe pak për të përmbyllur testimin mbi 500 dozash”, tha Manastirliu.
Në videon e publikuar nga kryeministri Rama në rrjetet sociale, theksohet se sipas tyre deri më tani janë vaksinuar 50 mijë persona.
Kujtojmë se vaksinat ruse “Sputnik” janë pranuar në Shqipëri jo drejtpërdrejt me marrëveshje mes dy shteteve. Kryeministri Rama fillimisht e refuzoi ofertën e Rusisë, por ndryshoi mendim më vonë kur pa se presioni dhe vështirësia për të siguruar vaksinat u rrit.
