Vendi që mbron dhe lufton më shumë për të drejtat e gruas në botë është Zvicra. Ky përfundim vjen nga Organizata për Zhvillim dhe Bashkëpunim Ekonomik (OECD), pas një hulumtimi që përfshiu 120 vende.
Për nxjerrjen e këtyre rezultateve u studiua mënyra sesi vendet e trajtojnë diskriminimin e femrave, si e mbrojnë ligjet dhe reformat politike.
“Pavarësisht nga një perceptimi global se barazia gjinore është një përparësi urgjente, ne po lëvizim shumë ngadalë në mbylljen e hendekut të barazisë gjinore dhe në disa vende ai madje është zgjeruar”, u shpreh drejtoresha e stafit të OECD-së, Gabriela Ramos.
Pas Zvicrës vjen Danimarka, Suedia, Franca dhe Portugalia, ndërkohë që të fundit listohen Guinea, Jordania, Irani, Pakistani dhe Jemeni.
Burimi: Iconstyle.al
