Champions/ Qazim Laçi shënon super gol në fitoren e Sparta Pragës

U luajtën në orën 18:45, dy duelet e radhës të vlefshme për Ligën e Kampioneve. Sparta e Pragës shkëlqeu me rezultatin 3-0 në duelin ndaj Salcburgut, ku në fushën e lojës për skuadrën çeke zbritën 3 lojtarë shqiptarë.  Protagonist u bë Qazim Laçi, i cili gjeti rrugën e rrjetës në minutën e 58-të, duke vulosur shifrat në 3-0. Në këtë duel pati minuta edhe për Rrahmanin dhe Krasniqin që u aktivizuan në minutat 64’ dhe 72’, ndërkohë që Tuci e ndoqi duelin nga stoli. Përballja tjetër mes Bolonjës dhe Shakhtar Donetsk u mbyll në barazim pa gola. Vlen të theksohet fakti se ukrainasit humbën penallti në minutën e 4-t, me gjuajtjen e Sudakov që u ndal nga portieri Skorupski.