Një takim i papritur po mbahet këto momente në Presidencë ku ambasadorja amerikane ka mbledhur “kokat e shtetit” Takimi po mbahet në zyrën e Presidentit Ilir Meta, teksa në të ndodhen edhe kryeministri Edi Rama dhe kryedemokrati Lulzim Basha.
Mësohet se bashkë me ta, në takim marrin pjesë edhe dy ministrat e kabinetit Rama, ai i Brendshëm, Bledi Çuçi dhe i Mbrojtjes, Niko Peleshi. Ende nuk është bërë e ditur çfarë po diskutohet mes tyre, ndërsa një ditë më parë kryeimistri Edi Rama pati një përplasje me Kim, në lidhje me ligjin për dekriminalizimin.
Prej kohësh ambasadorja amerikane kërkon nga krerët e partive që të zgjedhin kandidatë pa rekorde kriminale, ndërsa Rama ditën e djeshme iu përgjigj se të gjithë vetëdeklarohen dhe se partia nuk mban përgjegjësi. Ram shtoi më tej se ligji shkelte të drejtat e njeriut, pasi në botë problemet me ligjin përfundojnë për 5 vite. Nga ana tjetër kim reagoi sërish duke u shprehur se pastërtinë e kandidatëve nuk e kërkon Amerika por duhet të jetë standard për një vend si Shqipëria që kërkon të jetë pjesë e Bashkimit Europian.
Nuk ka munguar as reagimi i kreut të PD, Lulzim Basha i cili tha se dihej se cila parti kishte futur në Kuvend kriminelë, dule iu referuar PS.
