Teksa pasditen e sotme, u deklarua se në mbledhjen e qeverisë u miratua dhe vendimi për shkarkimin e ministres së Financave Delina Ibrahimaj, kjo e fundit e ka mohurar lajmin. Në një deklaratë për mediat para nisjes së Asamblesë së PS, Ibrahmaj ka thënë se nuk është shkarkuar dhe as nuk ka dhënë dorëheqjen.
Ajo shtoi se vazhdon të jetë në detyrë. “Është në kuadër të thashetheme të verës, nuk kam dhënë dorëheqjen dhe nuk jam shkarkuar”, tha ministrja e Financave.
Kryeministri Rama i pyetur lidhur me këtë çështje nuk ka pranuar të japë detaje, por është përgjigjur i prerë, vetëm me ‘Jo’, sa i përket shkarkimit të ministres.
“Pak më parë kryeministri Rama i pyetur nga ne lidhur me shkarkimin e ministres tha vetëm ‘Jo’, pra nuk është shkarkuar,. Pra e mohoi shkarkimin e ministres së tij”, raporton “Ballkan Ëeb”.
Ibrahimaj e mori portofolin e shtetit më shtator 2021. Në vitin 2016 e në vijim ajo ka qenë anëtare e Këshillit të Statistikave, INSTAT, në 2017 e në vijim anëtare e Këshillit Drejtues të FED Invest dhe anëtare e Institutit të Sigurimeve Shoqërore.
Ajo mori emër në vitin 2019, kur u emërua në detyrën e Drejtorit të Përgjithshëm të Tatimeve, të cilën e mbajti deri në vitin 2021, përpara se të emërohej ministre. Ajo ka qenë po ashtu në drejtimin e INSTAT gjatë viteve 2015-2016 dhe ka koordinuar çështjet financiare dhe ekonomike në Kryeministri më parë.
