Pasditen e sotme mësohet se policia e Kukësit ka nisur të kryejë hetimet në lidhje me helmimin e qytetarëve nga uji i pijshëm. Më shumë sen 50 banorë kanë përfunduar në spital për shkak të probleme që kanë ardhur si pasojë e ujit të pijshëm në fshatin Shtiqen. Mësohet se janë marrë monstra nëpër banesa si dhe janë marrë monstra nga depoja qëndrore e ujit. Ndërkohë ka pasur akuza nga opozita për tentativa për fshehjen e kësaj ngjarje, pasi sipas tyre ka disa ditë që të sëmurë me simptoma helmimi janë paraqitur në Spitalin Rajonal të rrethit.
Shërbimet e Policisë së Kukësit kanë marrë kontakt me specialistët e ujësjellësit të cilët kishin dijeni për ndotjen, dhe më pas kanë shkuar në Spitalin Rajonal Kukës, ku kanë konstatuar një numër të lartë personash nga disa fshatra të Kukësit, që janë paraqitur me simptoma helmimi.
“Grupi hetimor i ngritur së bashku me specialistët e ISHSH Kukës, ka marrë mostra të ujit tek depoja qendore dhe në banesat e qytetarëve në të cilat ka patur ndotje uji, me qëllim përcaktimin e shkaqeve të ndotjes.
Po punohet për të marrë deklarimet e mjekëve, të cilët nuk kanë njoftuar në organet e rendit, në lidhje me këtë situatë”, bën me dije policia.
Nën drejtimin e Prokurorisë së Rrethit vijojnë hetimet për zbardhjen e shkaqeve të ndotjes së ujit dhe vënien para përgjegjesisë ligjore të personave përgjegjës.
