Masat kufizuese të pandemisë në vendin tonë do të rishikohen këtë fundjavë. Lajmin e ka bërë të ditur ministrja e Shëndetësisë, Ogerta Manastirliu gjatë konferencës në aeroport për pritjen e vaksinave nga Pfizer. Ajo ka thënë se impakti i masave nuk është i menjëhershëm, por shikohet për dy javë. Manastirliu u shpreh se nuk do donte që të shkonim në masa të reja kufizuese, sepse nëse i respketojmë rregullat mund të mos shkojmë drejt një situate ku janë shumë vende në Europë e në botë. Ndërkohë, ajo ka shtuar se janë vaksinuar më shumë se 6 mijë mjekë e infermierë dhe procesi po vazhdon me vaksinimin e moshave të riskuara.
“Në fundjavë do të kemi vlerësim të masave ndaj Covid-19. Ka trend të qëndrueshëm të incidencës ditore. Masat e fundit shtrënguese të fundit që kemi marrë kanë të bëjnë me uljen e orës policore dhe alternimet e mësimit online. Impakti i masave nuk është i menjëhershëm. Ky impakt shikohet për 14 ditë. Ne nuk duam që të shkojmë në masa të reja kufizuese, sepse në rast se mund të respektojmë rregullat ndaj koronavirusit, mund të mos shkojmë drejt një situate, ku bota dhe shtetet europiane, kanë dy muaj që janë. Janë vaksinuar më shumë se 6 mijë mjekë dhe infermierë. Pas mjekëve dhe infermierëve, do të vaksinohen moshat më të rriskuara. Ka nisur tashmë vaksinimi i moshave mbi 80 vjeç”, tha Manastirliu.
