Ditën e sotme është hedhur në Gjykatën e Apelit të Tiranës, shorti për dosjen “ÇEZ”.
Shorti përcaktoi relatore të çështjes, gjyqtaren Shpresa Beçaj.
Gjykata e Tiranës vendosi të pushojë çështjen “ÇEZ” pak ditë më parë për mungesë provash.
Menjëherë reagoi Kuvendi i Shqipërisë, i cili e apeloi vendimin e Gjykatës së Lartë.
Vendimi për pushimin e çështjes u mor nga gjyqtari Lazër Sallaku, pas konkluzioneve se hetimet nuk dhanë rezultat.
Juristi Romeo Kara ndërkohë ka paraqitur pranë ILD një dosje me shkeljet e pretenduara të këtij gjyqtari, i cili rrezikon shkarkimin. (Lexo këtu)
Në lidhje me çështjen “ÇEZ”, u morën në pyetje një sërë zyrtarësh të lartë, në mesin e të cilëve ish-kryeministri Sali Berisha dhe djali i tij, Shkëlzen Berisha.
Gjithashtu për këtë çështje, qeveria ngriti një komision hetimor të drejtuar nga kreu i Grupit të PS, Taulant Balla.
Komisioni arriti në konkluzionin, se nga procedura e privatizimit, shtetit shqiptar i ishte shkaktuar një dëm prej 414 milion eurosh.
Bazuar në konkluzionet e komisionit hetimor, gjykata rrëzoi prokurorinë dhe hapi sërish çështjen.
Më pas në kuadër të hetimeve, u morën në pyetje, ish-kryeministri Sali Berisha, djali i tij, Shkëlzen Berisha, ish-ministri i Ekonomisë, Genc Ruli dhe biznesmeni Nuel Kalaj.
