SPAK ka paraqitur një kërkesë në Apelin e Gjykatës së Posaçme për të kundërshtuar vendimin e Gjykatës për lirimin e ish-kryeministrit Sali Berisha nga masa “arrest shtëpie”.
Dy prokurorët që po hetojnë çështjen “Partizani”, Arben Kraja dhe Enkeleda Minollai, kanë kaluar dosjen në gjykim, ndërkohë që sot po zhvillohet seanca paraprake me gjyqtaren Flojera Davidhi, e cila kishte hequr masën e arrestit shtëpiak më 27 nëntor.
Në 30 dhjetor 2023, Gjykata e Posaçme ka pranuar kërkesën e SPAK për të ashpërsuar masën ndaj Berishës, duke përfshirë ndalimin e komunikimit të tij.
Avokati i Berishës ka paralajmëruar se do ta apelojë këtë masë, duke e konsideruar si një privim të lirisë për një deputet.
Berisha po hetohet për korrupsion pasiv në aferën “Partizani”, dhe prokuroria ka kërkuar që ai të ketë kontakt vetëm me ata që jetojnë me të në të njëjtën banesë.
