Avokati i Sali Berishës për çështjen “Partizani”, pas seancës në GJKKO ka treguar për mediat zhvillimet e fundit. Avokatët e Berishës kishin ankimiar masën “detyrim paraqitje” dhe bllokim pasaporte për ish-kryeministrin.
Avokat Genc Gjokutaj deklaroi se vendimi është shtyrë për ditën e nesërme në orën 11:00, pasi dosja ka qenë voluminoze.
“Ne kemi që në orën 9, në mënyrë shteruese kemi paraqitur gjithë argumentet që masat nuk qëndrojnë dhe çështja është një farsë… gjykata ishte në pamundësi për të dhënë vendimi pasi materiali është voluminoz dhe seanca u shty për nesër në orën 11:00”, tha ai.
