Nëse do të listosh disa nga çështjet më të trishta të 30 viteve demokraci padyshim është dhe Gërdeci, një ngjarje kjo e cila mori jetën 26 personash dhe plagosi mbi 300 të tjerë nga një shpërthim municionesh në mars të vitit 2008.
Kjo çështje përveç se prej shumë vitesh endet gjyqeve në Shqipëri, ka shkruar edhe në Gjykatën e Strasburgut nga prindërit e të ndjerit, Erison Durdaj.
Së fundmi është zbardhur për mediat vendimi i Gjykatës, ku theksohet se shteti shqiptar duhet të dëmshpërblejë me 12 000 euro kërkuesit brenda tre muajve nga data në të cilën vendimi merr formë të prerë.
“Shteti i paditur duhet t’u paguajë kërkuesve, brenda tre muajve nga data në të cilën vendimi merr formë të prerë në përputhje me nenin 44 § 2 të Konventës, shumat e mëposhtme: bashkërisht Zamira Durdajt dhe Feruzan Durdajt, 12 000 euro (dymbëdhjetë mijë euro), plus çdo taksë që mund të paguhet për dëmin jopasuror; aplikantëve të mbetur, 10,000 (dhjetë mijë euro) secili, plus çdo taksë që mund të paguhet për dëmin jopasuror; bashkërisht për të gjithë aplikantët, 8,000 (tetë mijë euro) euro, plus çdo taksë që mund t’u ngarkohet atyre, në lidhje me kostot dhe shpenzimet; që nga skadimi i tre muajve të sipërpërmendur deri në shlyerje, do të paguhet interes i thjeshtë për shumat e mësipërme me një normë të barabartë me normën marxhinale të huadhënies të Bankës Qendrore Evropiane gjatë periudhës së mospagimit plus tre pikë përqindjeje”, thuhet në vendimin e Strasbugut.
