Gjykata e Tiranës ka pranuar kërkesën e grupit të deputetëve të drejtuar nga Gazment Bardhi duke vendosur pezullimin e çështjes për shqyrtimin e kërkesës së Lulzim Bashës për miratimin e Kuvendit Kombëtar të 2 Shtatorit. Gjyqtari i çështjes ka vlerësuar se nuk mund të merret asnjë vendim mbi ndonjë statut, pa u dhënë vendimi në Gjykatën e Lartë për statutin e grupit të Rithemelimit më 11 dhjetor.
Në këtë mënyrë Statuti i dalë në 2 Shtator, përmes të cilit Lulzim Basha u caktua edhe Kryetar i Grupit Parlamentar nuk është njohur nga gjykata.
Grupi i deputetëve të mandatuar nga Këshilli Kombëtar i thirrur nga Sekretari i Përgjithshëm i PD Gazment Bardhi është njohur si palë nga Gjykata e Tiranës, duke përfaqësuar kështu në gjykim Partinë Demokratike të Shqipërisë. Ata kanë kërkuar nga gjykata pezullimim e çështjes, kërkesë që është pranuar nga Gjykata e Shkallës së Parë Tiranë.
