Kryeministri i Greqisë Kryriakos Mitsotakis ka reaguar sërish në lidhje me çështjen “Beleri”. Mitsotakis ka ritheksuar qëndrimin se kjo çështje po bëhet një problem për marrëdhëniet dypalëshe Tiranë-Athinë.
Mitsotakis thotë se është e padrejtë që Beleri nuk lejohet të bëjë betimin si kryebashkiak i Himarës dhe se burgosja e tij është një shkelje e shtetit ligjor.
“Çështja i lë në hije marrëdhëniet dypalëshe me Shqipërinë dhe përmbys progresin që kishim arritur. Më shqetëson veçanërisht fakti që edhe sot Shqipëria refuzon t’i japë atij mundësinë për t’u betuar si kryetar bashkie. Është një shkelje e qartë e së drejtës ndërkombëtare dhe do të ketë implikime më të gjera për përpjekjen e Shqipërisë për t’iu afruar familjes evropiane”, u shpreh kryeministri grek.
“Uroj dhe shpresoj që së shpejti të gjendet një zgjidhje, nuk do të ndalem së ngrituri çështjen në BE dhe te zoti Rama”, shtoi ai.
