Parlamenti gjerman do të vendosë përfundimisht më 26 shtator, për çeljen e negociatave me Shqipërinë dhe Maqedoninë e Veriut.
Korrespondentja e “DW” në Berlin, Anila Shuka, tha për “TCH”, se grupimi parlamentar CDU/CSU, po diskuton një paketë me 10 kushte, për t’i dhënë dritën jeshile Shqipërisë.
Në paketën me 10 kushte përfshihen:
1.Ndërtimi dhe nisja nga puna e SPAK
2.Ndërtimi dhe nisja nga puna e Gjykatës Kushtetuese
3.Plotësimi i vendeve vakant në Gjykatën e Lartë.
4.Nisja e proceseve penale ndaj gjykatësve dhe prokurorëve të rrëzuar nga Vettingu
5.Reforma zgjedhore dhe zbatimi i saj
6.Dënimi i personave të përfshirë në vjedhjen e votave
7.Bilance të suksesshme në luftën kundër krimit të organizuar dhe korrupsionit
8.Reforma në administratë
9.Të sqarohet legjitimiteti i zgjedhjeve lokale
Vendimin i Berlinit zyrtar, do të bëhet publik nga kancelarja gjermane, Angela Merkel në samitin e 18 tetorit në Bruksel.
Ndërkohë data 26 shtator është propozuar nga grupimet parlamentare të CDU dhe SPD.
Socialdemokratët kanë premtuar me kohë mbështetjen për Shqipërinë, duke thënë se do të votojnë në favor të çeljes së negociatave.
