Sot është një ditë e shënuar për të gjithë shqiptarët, pasi Nënë Tereza ka marrë titullin e shenjtores, nga Papa në Vatikan, gjatë një ceremonie madhështore.
Krerët e shtetit e kanë përkujtuar këtë datë, nëpërmjet postimeve në rrjetet sociale.
Nuk kishte si të mbeste prapa edhe ministri i Jashtëm, Gent Cakaj.
Mirëpo ky i fundit ka bërë një gafë në rreshtat e postimit të tij.
Cakaj ka shkruar se sot mbushen 5 vite nga shenjtërimi i Nënë Terezës, por në fakt janë vetëm 3.
“Sot është pesëvjetori i shenjtërimit të Nënës që vazhdon të sjellë bekim të pakursyer nga atje lart, përkujdesje të përditshme, mirësi të pakufishme e frymëzim të solidaritetit të pamatshëm për gjithsecilin prej nesh këtu poshtë 🙏😇! #motherteresa”, shkruan Cakaj.
Kjo nuk është hera e parë që Cakaj lë gafa, pasi kujtojmë se gjatë Samitit të diasporës, u ngatërrua dhe u bë lëmsh me vargjet e poemës “Bagëti e bujqësi”, të poetit të madh, Naim Frashëri.
