Nga Klodian Tomorri
A mund të na shpjegojë dikush që e di mirë, çfarë roli ka ky arkeologu, që thotë se Shqipëria është shtet artificial, tek kjo puna e Butrintit? Se që ky është i padenjë kjo është e provuar matematikisht.
Të quash artificial një shtet, që kufizohet nga të gjitha anët me njerëzit e tij, ose je një tutkun shumë i madh ose ke marrë para. Ku ka rast të dytë në botë, që një shtet të kufizohet nga njerëzit e tij në çdo anë. Në veri të kufirit flitet shqip, në lindje shqip, në jug shqip. Di ky zotëria të na thojë ndonjë rast të ngjashëm?
Më tej, nëse Shqipëria paska qenë shtet artificial në 1913-ën, po gjuha shqipe kur u shpik? Në 1914-ën?
Qenia më e ulet humane është akademiku që shtrembëron faktet shkencore përkundrejt parave. Është shumë më i pështirë se edhe vrasësi më i madh.
Tani, nëse ky ka ndonjë rol me të vërtetë tek Butrinti, duhet përjashtuar urgjentisht. Nëse Fondi e ka pjesë të stafit duhet njoftuar që ky në Butrint nuk mund të shkelë dot dhe në administrimin e parkut nuk mund të ketë asnjë rol.
Normalisht Ministria e Jashtme jo vetëm duhet ta kishte shpallur non grata, por duhet të bënte nota proteste tek të gjitha universitetet që punësojnë këtë njeri. Por kush ta bëjë thuaj. Këta e kanë mendjen për të bërë ndonjë resort me 5 yje në Jug.
…..
Projekti për Butrintin tregon se pushtetarët në Shqipëri nuk kursejnë asgjë nëse bëhet fjalë për përfitime personale. Një pasuri arkeologjike si ajo në Butrint, e cila është Pasuri Kulturore e nivelit të parë dhe mbrohet nga UNESCO kurrsesi nuk mund të jepet për ndërtimin e resorteve për llogari të një grushti të vogël pushtetarësh të korruptuar me në krye Ramën dhe oligarkëve të lidhur me pushtetin. Ky projekt shitet nga qeveria si largpamës dhe frytdhënës për Shqipërinë dhe për Butrintin, por në fakt është krejt e kundërta, pasi e vetmja gjë që arrihet me zbatimin e tij është zhdukja e pasurisë kulturore dhe shtimi i pasurisë në xhepat e Ramës dhe vartësve të tij. Ministria e Kulturës shprehet se ky projekt është konsultuar me ekspertët më të mirë, po kush janë këto ekspertë? Këta pseudoekspertë që thotë ministria janë disa mashtrues të cilët shesin nderin dhe dinjitetin e tyre për disa të holla që përmbushin shpirtin e tyre të zbrazur. Por këto pseudoekspertë që na shiten dhe si akademikë të formuar janë thjesht disa majonteta fijet e të cilëve i mbajnë dhe i kontrollojnë pushtetarët dhe oligarkët. E sa i përket akademizmit të tyre ky projekt nuk ka nevojë për aq shumë njohuri që të kuptohet se është thjesht një mënyrë për të mbushur xhepat e disa personave dhe nuk ka lidhje me përfitime kulturore apo edhe monetare për shqiptarët. Ndaj këto akademikë, arkeologë që veç të tillë nuk janë, duhet t’i qëndrojnë larg Butrintit, mos të shkelin dot aty. Ministria e Jashtme duhet t’i shpallë non grata këta tradhtarë të atdheut të cilët shesin Shqipërinë për ca të holla, gjasme duke dhënë medime ekspertësh, por në fakt japin mendimet e zyrave të PR të qeverisë. Si mundet një arkeolog të thotë se Shqipëria është shtet artificial? Ku e marrin këtë të drejtë këta që dalin dhe publikisht i thonë këto fjali? Shqipëria është një vend, i cili rron prej vitesh, ka një gjuhë autentike, ka vlera të paçmuara kulturore dhe këtë e tregojnë pikërisht pasuri si Butrinti, të cilat këta duan t’i zhdukin. Por sa të kenë krahët e ngrohta këta do vazhdojnë të ‘kakarisin’. Pse Rama dhe Minisritë e tij nuk mbështesin këto pseduoekspertë, por akuzojnë dhe fyejnë protestuesit e të cilët kanë dalë kundër këtij projekti, i cili është miratuar pa konsultimin me ekspertë përkatës, të cilët aktualisht janë ngritur në protesta për ta kundështuar këtë projekt. Është e ditur strategjia e Ramës kush i del kundër e fyen, e shan ose e çon në riedukim. Pse? Sepse ka frikë nga vërteta, por kjo e vërtetë do të dalë dikur në mos sot, në vazhdim.
