Emisioni “Fiks Fare” ka zbuluar një skandal në sistemin arsimor shqiptar, ku 14 mësues të dënuar për falsifikim dokumentash dhe shpërdorim detyre vazhdojnë të japin mësim, dhe njëra prej tyre ka arritur deri në pozitat e drejtoreshës së shkollës.
Irma Xeka, ish-drejtoreshë e shkollës “Qamil Xhani” në Kavajë, bëri një kallëzim në Prokurorinë e Durrësit për regjistrimin e nxënësve fiktivë që ishin vlerësuar me nota, ndërkohë që ndodheshin jashtë vendit sipas sistemit TIMS.
Prokuroria e çoi çështjen në gjyq, ku 13 mësues u shpallën fajtorë për falsifikim dokumentesh dhe shpërdorim detyre, por ata vazhdojnë të punojnë si mësues, madje njëri prej tyre është bërë drejtor.
Xeka, e cila u pushua nga puna pas kallëzimit, shprehu shqetësimin për vazhdimësinë e punës të mësuesve të dënuar, ndërkohë që ata vazhdojnë të japin mësim në shkolla.
Ajo po ashtu tregoi për presionet që ka përjetuar pas kallëzimit, duke përfshirë kërcënimet nga burri i drejtoreshës, i cili kërkoi nga gazetarët të mos e përmendin gruan e tij në emision dhe u përball me juristen e Zyrës Arsimore të Kavajës me kërcënime për pasojat e vendimit të saj.
