Burrë e grua me COVID-19, detaje për dy rastet në Tropojë

Google+ Pinterest LinkedIn Tumblr +

Hartës së qyteteve të prekura nga COVID-19, ditën e sotme iu shtua edhe Tropoja.

Në qytetin verior u shënuar dy rastet e para të prekur nga koronavirusi.

Mësohet se bëhet fjalë për një çift bashkëshortësh të moshës 48-50 vjeç, banues në lagjen “Partizani”.

Kryetari i Bashkisë Tropojë, Rexh Byberi, bën me dije se burri është me profesion shef informativ, ndërsa gruaja mësuese, shkruan “Shqiptarja.com”.

Autoritetet hedhin poshtë mundësinë që gruaja të ketë infektuar nxënësit, pasi shkollat janë mbyllur që prej 8 marsit.

Me përditësimin e të dhënave rreth COVID-19, numri i të prekurve ka shkuar në 174, mes të cilëve 6 viktima dhe 17 të shëruar.

Gjatë 24 orëve të fundit, nga 103 testime, janë identifikuar 28 raste pozitiv.

Në mesin e të prekurve janë edhe 4 fëmijë, të cilët ndodhen të vetëkarantinuar në shtëpi, në gjendje të stabilizuar shëndetësore.

Ne repartin e Infektivit ndodhen 73 pacientë, 3 prej të cilëve në terapi intensive, ku dy prej tyre janë intubuar.

Autoritetet kanë përsëritur apelin për qytetarët, që të mos drejtohen menjëherë në spital nëse kanë dyshime, por të telefonojnë në numrin 127.

Shpërndaje
Share.

Komento