Probleme të shumta janë shfaqur me shpërndarjen e dozave të vaksinave kundër COVID-19 në Europë. Bashkimi Europian kishte planifikuar që vaksinimi të fillonte në të njëjtën ditë në të gjithë vendet e unionit, por për shkak të arsyeve të ndryshme kjo ishte e pamundur.
Vetëm në gjysmën e parë të vitit 2021 ishte njoftuar nga Komisioni Europian se 300 milionë vaksina do të ishin të disponueshme.
Ka qenë kompania Pfizer ajo që ka njoftuar e para se do duhej të vononte me dorëzimin e dozave sepse i duhej të bënte ndryshime në linjën e prodhimit, në mënyrë që të jetë në gjendje të prodhojë sasi më të mëdha për të përmbushur detyrimet e saja kontraktuale. Gjithsesi Pfizer u shpreh pas presioneve të KE se do të jap sasi të mëdha të vaksinës, por këto për 9 muaj.
Nga ana tjetër pritet të testohet të premten nga Agjencia Evropiane e Ilaçeve vaksina e AstraZeneca. Por kompania njoftoi befas se do të ul me 60% sasinë e vaksinave, që do të thotë se nga 80 milion doza, do të jenë të gatshme vetëm 30 milion. Arsyeja për këtë sipas kompanisë, janë problemet me prodhimin.
Por arsyet e vërteta për këto vonesa duket të jenë burokratike dhe preferenciale. Dyshohet se kompania Astra Zeneca preferon t’i dorëzojë Britanisë të parës vaksinat pasi kjo e fundit po e drejton programin e saj të vaksinimit shumë shpejt. Britania e Madhe e ka miratuar vaksinën e AstraZenecës që në 30 dhjetor 2020, dhe kjo mund të jetë arsyeja që ata janë më të favorizuar.
Burokracia e Agjenicisë Evropiane të Ilaçeve mund të bëjë që vaksina e Astra Zenecës të mos miratohet deri në fund të janarit. Vetëm pas presioneve nga qeveritë e BE, u vdneos që agjencia të miratojë vaksinën 1 muaj pas Britanisë.
Ka pasur gjithashtu zëra Astra Zeneca se ka filluar bashkëpunimin me palën ruse, për studime të përbashkëta për kombinimin e vaskinës së saj me Sputnik-V ruse.
Edhe njëherë Bashkimi Europian e provoi se është një strukturë burokratike që nuk siguron dot barazinë mes vendeve anëtare të saj. Janë vendet më të pasura të Europës ato që po e marrin të parat vaksinën dhe po e përmbyllin procesin.
Ndërkohë vendet më pak të pasura të BE apo edhe vende të tyjera joanëtare ende nuk e kanë filluar procesin e vaksinimit. Pas pandemisë Bashkimi Europian do të ketë nevojë serioze për ristrukturim dhe solidaritet me vetes për të kaluar krizate mëdha që e presin.
