Teksa prezantoi planin financiar, kryeministri Edi Rama foli edhe për gjendjen aktuale të vendit tonë, si edhe për masat e marra.
Ai u bëri thirrje shqiptarëve që të kursejnë sa të munden pasi vendi po përballet me një luftë sa i takon situatës për shkak të Coronavirusit, si edhe theksoi se qytetarët duhet të respektojnë rregullat, pasi policia nuk është Coronavirusi që të kapë në pabesi.
“Më shumë se kurrë ndonjëherë, si asnjëherë më parë, jemi të kërcënuar njësoj. Shqipëria është e kërcënuar si të tëra shtëpitë e vendeve të tjera. Nëse në shumë shtëpi të tjera, ka plot zahire në bodrum, në shtëpitë tona s’ka bollëk veç zemrës shqiptare. Sot është koha për të kursyer gjithçka mundemi, po jo atë bollëk force. Nuk shkon që këtë sakrificë, këto kufizime skandaloze lire t’i hedhim në plehra, duke mos qenë e mundur që të mbajmë radhë. Nëse nuk bëjmë dot një vijë distancë, do të thotë që të hedhim në plehra sakrificën, duke u mbledhur si cjepër në hanxharin e padukshëm, të atij që ka ardhur të na hajë kokën. Ça të bëjmë të fusim në burg ata që nuk respektojnë rregullat?! Policia nuk është si koronavirusi ku është kudo. Duhet të bëhemi dhe polic, kur dikush na kërcënon. Unë besoj shumë që ne e kemi në dorë fatin tonë. Duke mos hequr dorë, mund të dalim pa plagë të pashërueshme dhe si Italia fqinje. Ta bëjmë këtë luftë për familjen tonë. S’do na e falë historia që në një luftë pa armë, të dalim kokë humbur nga zakonet tona. Ju dua shumë që të gjithëve.”, përfundoi Rama.
Deri tani, qeveria ka marrë masa të shumta si kufizimi i lëvizjes së automjeteve vetëm në orën 07:00-08:00 dhe 16:00-17:00, apo edhe kufizimin e lëvizjes së këmbësorëve në oraret 07:00-10:00 dhe 16:00-18:00.
Po ashtu, ministrja e Shëndetësisë, Ogerta Manastirliu, ka njoftuar shtyrjen e procesit mësimor deri në 3 prill, për shkak të situatës delikate.
Ditën e sotme Rama publikoi planin financiar me 7 pika, duke iu ofruar ndihmë kategorive më në nevojë:
LAJMI I FUNDIT/ Rama shpall planin financiar për përballimin e COVID-19
