Fshati Smollik, pjesë e Njësisë Administrative Zerqan në Bashkinë e Bulqizës, vuan mungesën e një shkolle të mirëfilltë.
Në këtë fshat, ku jetojnë rreth 50 familje, vetëm 6 nxënës ndjekin mësimin në një ndërtesë të improvizuar prej dërrasash, e cila ofron kushte tejet të papërshtatshme.
Kjo ndërtesë ndodhet në mes të një zone të pyllëzuar, larg qendrës së fshatit, dhe fëmijët përballen me rrezikun e kafshëve të egra gjatë rrugës për në shkollë.
Rruga që duhet të përshkojnë çdo ditë është më keq se një shteg dhish, duke e bërë udhëtimin e tyre të vështirë dhe të pasigurt.
Ekipi i “Fiksit” vizitoi këtë fshat të thellë, ku banorët, që kryesisht merren me bujqësi, janë të shqetësuar për kushtet në të cilat mësojnë fëmijët e tyre.
Shkolla, e cila praktikisht është një ndërtesë e improvizuar, nuk plotëson asnjë standard: mungon uji, energjia elektrike dhe tualetet, ndërsa pjesët e rrëzuara të mureve janë mbuluar me dërrasa.
Rruga që të çon drejt kësaj ndërtese është thuajse e pakalueshme dhe kalon përmes pyllit, duke rritur rrezikun për nxënësit.
Çdo ditë, fëmijët duhet të ecin 30 minuta në këmbë për të arritur në këtë godinë, duke u përballur me sfida që janë të rënda edhe për të rriturit.
Nuk mund ta paguajmë një shumë kaq të madhe sa na kërkojnë sepse ka rregulla të përcaktuara për qiratë. Jemi në tentativa për të gjetur një zgjidhjë, sepse aty nuk mund të ndërtojmë një banjë sepse nuk çojmë dot bazën materiale, se nuk ekziston as rruga” shprehet z. Karaj.
