Së fundmi, kreu i Partisë së Lirisë, Ilir Meta është vënë në ‘shënjestër’ të SPAK-ut dhe po hetohet për korrupsion, pastrim parash, falsifikim dokumentesg dhe fshehje pasurie.
Këto akuza lidhen me tre dosje, përkatësisht me atë të lobimit, shërbimet estetike dhe CEZ-DIA.
Ndodhur në këto kushte përpara drejtësisë, rrjedhimisht Meta vihet nën hetim pasuror. Biznesmeni Samir Mane duket se e ka ‘mision’ të ndihmojë politikanët që të pastrojnë paratë dhe këtë e ka bërë edhe me Metën, duke i blerë një vilë në Golem. Mane e bleu vilën me vlerë 350 mijë euro, ndërkohë që pikërisht këtë pronë Meta e kishte blerë në vitin 2003 për 60 mijë USD.
Evidentohet qartë që kemi të bëjmë me një skemi pastrimi parash ku politika bashkëvepron ngushtë më biznesin e ‘përlyer’. Sjellim në vëmendje se biznesmeni Mane ka mbuluar edhe pastrimin e parave nga Arben Ahmetaj me vilën në Hamallaj dhe vilën tjetër në Palasë.
Kompanitë e Manes shfaqen me rol kryesor në dosjen e SPAK-ut për hilet e ish-ministrit Arben Ahmetajt në pastrimin e parave, duke i investuar në vila pikërisht tek resortet e Samir Manes. Por jo vetëm kaq, bazuar në dosjen e SPAK-ut, punonjësit e kompanisë së Manes kanë tentuar të zhdukin provat komprometuese nga kompjuterat, me qëlllim mbrojtjen e Arben Ahmetajt dhe ish-bashkëshortes së tij.
Biznesmeni më i madh shqiptar, Samir Mane, sipas gazetarit Denis Dyrnaja, është pyetur për 5 orë në SPAK.
Gazetari Dyrnjaja ka folur edhe për një ‘honorar’ 5 milionë euro.
“Askush, as nga drejtuesit e as nga te ftuarit se përmendën këtë zhvillim se njeriu më i pasur në Shqipëri, biznesmeni Samir Mane është thirrur në SPAK e ka qëndruar para hetuesve për plot 5 orë. Ndoshta nuk kanë patur dijeni, ndoshta goja dhe mendimet të bllokohen kur bëhet fjalë për sponsorin. Tani iu takon atyre që kanë burime të na thonë për çfarë biznesmeni Mane është thirrur në SPAK. Ka dalë edhe një si “honorar” 5 ml euro. Për kë është taksur ky ‘honorar’?!”, shkruan gazetari.
Statusi i gazetarit ka shkaktuar reaksion. Dyrnaja është vënë në qendër të sulmeve, në vend që rrëzonin apo të konfirmonin lajmin.
“Sipas burimeve biznesmeni është pyetur në lidhje me zhdukjen e biznesmenit dhe figurës së krimit, Ervis Martinaj, në gusht të vitit të kaluar”. ka deklaruar gazetari.
