Tre persona, përfshi këtu edhe prokurorin Arjan Ndoja, u plagosën pasditen e djeshme në një atentat në Durrës.
Prokurori shoqërohej nga ‘i forti’ i Sukthit, Landi Muharremi si dhe shoferi Andi Maloku, i cili ndodhet në gjendje kritike për jetën.
Në lidhje me atentatin, policia ka shoqëruar dhjetëra persona.
‘Dosja.al’ ka mësuar, se pas ish-anëtarit të bandës së Durrësit, Julian Meçe, është shoqëruar edhe Plaurent Dervishaj, kunati i kreut të ish bandës së Durrësit, Lul Berisha.
Dervishaj i shpëtoi mrekullisht një atentati të disa muajve më parë.
Pas marrjes në pyetje,ai është lënë i lirë, ndërsa arsyet e shoqërimit të tij nuk dihen ende.
Policia ndërkohë është në ndjekje të autorëve, të cilët pas atentatit u larguan drejt Ishmit, duke përdorur rrugën e Fushë-Krujës.
Si provë materiale janë gjetur dy maskat dhe kallashnikovët, të cilat ndodheshin në makinën e braktisur të autorëve.
Ndërkohë prokurori Arjan Ndoja, në dëshminë e tij paraprake, ka mohuar të ketë qenë pjesë e atentatit, ndërsa ka shtuar se gjithçka ndodhi shumë shpejt.
