Një atentat ka ndodhur para pak minutash në zonën e ish-kënetës në Durrës. Një person është qëlluar me armë ku ka mbetur i plagosur.
Të shtënat me armë kanë filluar që në rrugën dytësore në Maminas. Mendohet se ka pasur një shkëmbim zjarri mes dy makinave.
Sipas “Faxweb”, nga të shtënat ka mbetur i plagosur Julian Meçaj. Ky i fundit është transportuar për në spital.
Ndërkohë xhami i parë i makinës ku ndodhej Meçaj, me targa AA 005 MJ është bërë copash nga plumbat. Mendohet se Julian Meçaj është një nga ushtarët që i binden Lul Berishës, ish-kreut të bandës së Durrësit.
Dyshohet se nga të shtënat kanë mbetur të plagosur edhe 2 persona të tjerë.
