Rama gjatë vizitës së tij në Londër, ka prekur disa nga temat që janë me të ndjeshme në raportin mes Shqipërisë dhe Britanisë së Madhe. Ndër deklaratat që ngjalli një reagim të ashpër publik, ka qenë ajo e prej sekretares së brendshme britanike, Suella Braverman, e cila i konsideroi shqiptarët si kriminalë. Ndërkohë edhe pse kanë kaluar disa muaj, në vizitën e tij Rama u kujdes që ta rikujtonte duke thënë se ky ishte një moment i turpshëm për politikën britanike. Rama shtoi po ashtu se dhe komentet e Bravermanit vitin e kaluar për “kriminelët shqiptarë” që kaluan me varka të vogla në Kanalin e LaManshit, mund të konsiderohen në vetëveve një krim.
“Ardhja e njerëzve me gomone në Angli është një çështje komplekse. Jam këtu për ta thënë me zë të lartë se shqiptarët janë një komunitet i rëndësishëm që jep kontribut në sektorë si ndërtimi shërbime madje këndojnë për ju. Nuk është thjesht çështja të mbërriturve me gomone. Është një çështje komplekse e cila lidhet me aspiratat e tyre për një jetë të sigurtë në këtë pjesë të botës.
Nuk jam këtu të komentoj për një ligj si ai i emigracionit që ka krijuar shumë debate tek ju. Jam këtu për të tentuar e dhënë mesazhin se Shqipëria është një vend jashtëzakonisht i bukur ku ne kemi një rritje të turizmit nga ku shohim shumë e e shumë britanikë që vinë si vizitorë.
Fatkeqësisht kemi parë se shqiptarë dhe komuniteti shqiptarë këtu po veçohet po merret si shembull për qëllime politike.Marrëdhëniet Shqipëri-Angli kanë mbërritur në një pikë të ulët dhe shpresojmë të përmirësohen. Ne refuzojmë miksimin e një pakike kriminelësh dhe komunitetit shqiptarë në tërësi. Të mëshuarit fort tek etniciteti krimit është krim në vetvete“, deklaroi Rama.
Kujtojmë që Braverman shkaktoi mjaft zemëratë me komentet e saj për shqiptarët në parlamentin britanik në muajin tetor, kur tha se nëse Laburistët do të ishin në krye, ata do të lejonin të gjithë kriminelët shqiptarë të vinin në këtë vend, do të lejonin të gjitha varkat e vogla të vinin në Britaninë e Madhe, do të hapnin kufijtë tanë dhe do të minonin totalisht besimin e popullit britanik në kontrollin e sovranitetin tonë.
