Kreu i Urgjencës Kombëtare, Skënder Brataj i është përgjigjur disa nga pyetjeve që e shqetësojnë më shumë publikun lidhur me virusin e rrezikshëm COVID-19. Brataj i ftuar në rubrikën “Opinion”, në “News 24”, ka sqaruar disa nga pyetjet që kanë bërë qytetarët. Ai tha se studimet kanë treguar se antitrupa në organizëm mund të qëndrojnë deri në 12 muaj, ndërsa ka shtuar se është ende e paqartë nëse qytetarët do të duhen t’i nënshtrohen një tjetër vaksine pas përfundimit të kësaj kohe.
Brataj ka theksuar gjithashtu se gjatë periudhës së pandemisë, një tregues tjetër i mirë ishte fakti që qytetarët mësuan se shërbimi mjekësor ekziston. Gjithashtu ai ika nxitur qytetarët që për çdo shqetësim apo këshillë që do të kenë nevojë të telefonojnë 127- ën, numrin e Urgjencës Kombëtare.
Sa kohë na mbron vaksina anti-COVID. Në vjeshtë ose dimër duhet ta ribëj vaksinën?
Skënder Brataj: Ne 1 vit kemi që kanë nisur vaksinimet, nga janari kanë nisur në Shqipëri. Studimet e fundit kanë treguar që ka një zgjatje të madhe. Mendohet që të jetë si viruset e tjera që ka dhe disa vite, ose mendohet që mbrojtja të jetë e përhershme. Antitrupat mendohet se qëndrojnë në trup deri në 12 muaj. Studimet po bëhen në kohë të ndryshme. Unë mendoj që do të ketë edhe nga antitrupat do të qëndrojë më gjatë.
Ka rënë fluksi i telefonatave te 127?
Skënder Brataj: Ka mbetur te 2 mijë thirrjet. Njerëzit kërkojnë ndihmë për gjithçka. Deri në këto momente që nga 9 marsi i vitit të shkuar janë gjithsej mbi 900 mijë telefonata. Njerëzit provuan që ka një shërbim që përgjigjet në 24 orë çdo ditë.
215 mijë këshillime në këto muaj s’janë prapë. Ky shërbim do të jetë dhe numrat do të jenë të njëjtë. Sa i përket COVID-it janë shumë të ulëta telefonatat. Njerëzit janë të lodhur dhe kërkojnë që problemet e vogla t’i zgjidhin vetë.
