Zv/kryeministri Erion Braçe me anë të një postimi në rrjetet sociale, ka reaguar pas izolimit të vatrës së zjarrit tek vendgrumbullimi i plehrave që për disa ditë “mbytën” me tym qytetin e Fierit. Braçe në postimin e tij ka shkruar se ferrit 70-vjeçar që po kalonte qyteti i Fierit i erdhi fundi.
Ai ndër të tjera i ka kërkuar ndjesë çdo qytetari të Fierit dhe ka theksuar gjithashtu se tani hapet një faqe e re, sipas tij për trajtimin e mbetjeve urbane në të gjithë qarkun me landfillin dhe inceneratorin që janë gati e duhet të nisin punë sa më parë.
Postimi i plotë i Erion Braçes
MERR FUND FERRI 70 VJECAR
I PLEHRAVE NE DERE TE FIERIT!
Se pari,
shume ndjese cdo banori te qytetit te Fierit per keto 5 dite te keqia dhe 70 vite me plehra ne dere. Shume ndjese te moshuarve, te semureve e femijeve mbi te gjitha!
Se dyti, shume mirenjohes ndaj te gjithe punetoreve, manovratoreve e ciltdo tjeter qe punoi 24 ore ne 24 per te kapsuluar vatren me te madhe te infesksionit ne qytet;
Vertet shume mirenjohes!
Besoj se tani hapet nje faqe e re per trajtimin e mbetjeve urbane ne te gjithe qarkun e Fierit me landfillin dhe inceneratorin qe jane gati e duhet te nisin pune!
