Gazetari investigativ, Artan Hoxha ditën e sotme ka rikujtuar aksionin e Policisë në fshatin Lazarat të Gjirokastër, të finalizuar gjashtë vite më parë.
Nëpërmjet një statusi në rrjetin social “Facebook”, Hoxha shprehet se kjo ngjarje i duket sikur ka ndodhur një shekull më parë.
Më tej, gazetari thotë se bosët e vërtetë të krimit, nuk u kapën kurrë.
Shumë persona u arrestuan për pesë ditë me radhë të aksionit nga policia. Madje ai është shprehur se u sekuestruan artileri municionesh dhe qindra mijëra euro para të thata të cilat ishin groposur thellë në tokë.
Në statusin e Hoxhës, përmendet edhe fakti që të gjithë ata që financonin rritjen e kanabisit në fshat, “kokat” e vërteta të krimit nuk u ndaluan kurrë.
Postimi i plotë i gazetarit Artan Hoxha:
U fitua beteja e Lazaratit, por u humb lufta me kanabisin. 6 vite nga operacioni antikanabis i qershorit 2014. Duket sikur ka ndodhur para nje shekulli.
Me djemte e RENEA-s, pas 5 ditesh lufte te ashper, me “trupat operacionale” te narkotrafikut. U çlirua territori i licensuar nga qeveria e kohes, si “Zone e lire e narkotrafikut”.
U godit baza logjistike e grupeve te organizuara te narkotrafikut. U kapen dhjetera tonelata kanabis, te perpunuar, ambalazhuar dhe magazinuar, gati per shitje.
U shkaterruan me qindra parcela te mbjella me kanabis, me siperfaqe mbi 250 hektare, sipas monitorimeve nga ajri te Guardia di Finanza.
U sekuestrua nje arsenal i tere armesh, nga armet e lehta, automatiket, mitrolozet e lehte dhe te rende, arme kundertanke, arme kunderajrore, mina, granata, lende eksplozive dhe snajpere.
U gjeten te fshehura dhe te groposura ne toke, qindra milione leke dhe qindra mijera euro. U kapen tre laboratore te perpunimit te vajit dhe çokollates nga kanabisi.
U be lufte me ushtrine e krimit te organizuar, por pasojat i pati fshati Lazarat. U arrestuan afro 120 persona, pjesa derrmuese banore dhe te rinj te Lazaratit, qe ne fakt ishin çiraket dhe ushtaret e narkotrafikut, por jo boset e vertete, te tij.
U pa se çfare eshte ne gjendje te bej krimi organizuar nese i le hapesire, nese politika dhe qeveria ne fuqi bashkepunon me te.
U provua qartesisht se si krimi i organizuar mund te marre nen kontroll nje territor te tere, se si mund ta kriminalizoje nje komunitet te tere, dhe ta ktheje ate ne nje arme te forte ne mbrojtje te tij.
BOSET e vertete te Lazaratit, financuesit, organizatoret, perfituesit financiare dhe politike te tij, nga Tirana, Fieri, Vlora, Tepelena, Shkodra, Tropoja etj, nuk u kapen kurre.
Duke u lene te lire dhe me burime financiare te paprekura, dy vite me pas, me 2016-en, ata do te riktheheshin shume here me te fuqishem, per ta kthyer ne nje Lazarat te madh, gjithe Shqiperine. Por kete radhe, pasi kishin nderruar, kontrollin politik dhe shteteror, nga e djathta, ne te majte…
Ndersa “taksa” e kultivimit dhe “tatimi mbi fitimin” e trafikut te kanabisit, tashme kishin nje PADRON te ri… Kampionati vazhdon…
https://www.facebook.com/artan.hoxha.900/posts/2990434520994196
