Përfaqësuesi i Lartë i BE-së për Politikë të Jashtme dhe Sigurinë, Josep Borrell, është shprejur se gjatë Konferencës së Sigurisë së Munihut ka folur në takime të veçanta me Presidentin e Serbisë dhe kryeministrin e Kosovës.
Ai u shpreh se fokusi kryesor i diskutimeve ishte marrdhënia diplomatike mes dy vendeve si dhe ulja e tensioneve në veri të Kosovës.
Borrell theksoi se takimet e ndara me Vuçiç dhe Kurtin “fatkeqësisht kanë qenë të pasuksesshme”. Përveç Kurtit e Vuçiçit, Borrell thekson se ka pasur një numër të madh takimesh dypalëshe me partnerë të BE-së nga e gjithë bota.
Ai në një tekst të publikuar në faqen e internetit të shërbimit të jashtëm të BE-së, tregon se atmosfera në konferencën e sivjetme në Mynih ishte e veçantë sepse, siç tha ai, të gjithë u ndërgjegjësuan se Evropa është në rrezik për shkak të dy luftëra në afërsi dhe shumë konflikte të mundshme në mbarë botën.
“Të gjithë u ndërgjegjësuan për realitetin në Konferencën e Sigurisë të Munihut të këtij viti se Evropa është në rrezik për shkak të dy luftërave në afërsi dhe shumë konflikteve të mundshme në mbarë botën”, ka theksuar ndër të tjera Borrell.
