Kryeministri i vendit Edi Rama, teksa prezantoi paketën e dytë ekonomike për përballimin e situatës nga koronavirusi, dha një lajm të mirë për të gjithë shqiptarët që kanë mbetur jashtë territorit të Republikës së Shqipërisë.
Rama tha se riatdhesimet do të nisin brenda kësaj jave, por qytetarët duhet të paguajnë vetë për biletën dhe hotelin.
Pasditen e djeshme Rama ka njoftuar sërish në Facebook se në fund të javës do fillojë operacioni i dytë ri riatdhesimit për emigrantët që duan të kthehen në Shqipëri.
Ai ka publikuar një video të ministres së Infrastrukturës, Belin Balluku, e cila ka prezantuar planin.
Qeveria prezanton planin e riatdhesimit: Ja si do bëhet kthimi dhe ku do akomodohen
Më vonë mbrëmjen e djeshme Belinda Balluku, në një lidhje me Skype për “Opinion” ka bërë me dije destinacionet e tjera nga do të riatdhesohen shqiptarët e mbetur jashtë vendit.
Ministrja bëri të ditur se fluturimet do të përcaktohen në bazë të kërkesave të qytetarëve shqiptarë, ndërsa kur të mbërrijnë në Shqipëri do të karantinohen në një hotel dhe qëndrimi sipas saj do kushtojë 25 mijë lekë të vjetra.
Riatdhesimi, ministrja Balluku jep detaje: Ja sa do t’ju kushtojë qëndrimi në hotele
Pasditen e sotme, kryeministri Edi Rama ka reaguar sërish lidhur me situatën e riatdhesimit të shqiptarëve, duke thënë se rruga e riatdhesimeve do të hapet të shtunën, ashtu siç ishte premtuar, por thekson se nuk do të tërhiqen nga kushti i karantinimit të detyruar në hotel.
Me anë të një statusi në Facebook, Rama sjell shembullin e Singaporit dhe thotë se atje situata e pandemisë u përkeqësua kur u lejua riatdhesimi i pak më shumë se 500 studentëve, të cilëve i’u kërkua të vetëkarantinoheshin në familje, pa futur në karantinë gjithë familjen.
Statusi i Ramës
Një shembull konkret pse riatdhesimi në këtë fazë duhet të jetë absolutisht i kontrolluar:
Singapori u mbajt si shembulli më fantastik i përballjes me epideminë, me numrin mē të vogël të të infektuarve e të të vdekurve për numër popullsie. Por gjërat u përkeqësuan kur u lejua riatdhesimi i pak më shumë se 500 studentëve, të cilëve i’u kërkua të vetëkarantinoheshin në familje, pa futur në karantinë gjithë familjen. Numri i të infektuarve u rrit ndjeshëm, përmes familjarëve të të riatdhesuarve dhe ky ishte një mësim, jo vetëm për Singaporin po edhe për vendet e tjera, të cilat fillimisht ulën ndjeshëm numrin e të riatdhesuarve, duke i detyruar të karantinohen në hotele dhe pastaj filluan të ndalonin fare riatdhesimet. Ne do të rihapim rrugën e riatdhesimeve siç e kemi bërë publike dhe nuk do të tërhiqemi nga kushti i karantinimit të detyruar në hotel! Por ju lutem të gjithë atyre të cilët nuk duan të dëgjojnë, nuk duan të lexojnë, nuk duan të kuptojnë se pse, kjo rrugë është e vetmja dhe s’ka një rrugë tjetër për të mbrojtur popullin e vendin tonë nga një valë e re infektimi, që të paktën, përpara se sa të shajnë e të mallkojnë a thua se kjo është punë qejfi apo dëshire e qeverisë për t’ua vështirësuar riatdhesimin, të të bëjnë edhe njëçikë durim derisa ta shohin konkretisht paketën e riatdhesimit! I siguroj që paketa do të jetë shumë e arsyeshme për ta dhe qeveria do të bëjë gjithçka mundet që kostoja financiare e riatdhesimit, të jetë optimale brenda kushteve ku po jetojmë e po veprojmë të gjithë. Boll me sharje, me akuza, me hesape në hava e me mallkime, sepse kjo është koha që provon se sa di secili të jetë një shqiptar i mirë që sheh përtej hundës së vet dhe që nuk e kthen në argument mllefin apo mosinformimin për atë që flet!
https://www.facebook.com/138734771522/posts/10157645318876523/
