Vizita e kryeministrit Rama ditën e sotme në Librazhd dhe Përrenjas është shoqëruar me protesta të ndryshme, ku një ndër to ka qenë edhe ajo e Cërrikut, ku edhe ka pasur disa arrestime të nga ana e Policisë.
Një ndër ata qe është shoqëruar në komisariat ka qenë edhe ish-deputeti i PD-së, Luçiano Boçi.
Mirëpo Boçi mësohet që të jetë shoqëruar jo për shkak të protestës, por për shkak të një përplasjeje që ka pasur me Drejtorin e Policisë së Elbasanit, Altin Qato.
Pas marrjes së deklaratës, Boçi është lënë i lirë nga ku edhe është shprehur se tensionet nuk kanë qenë rastësore.
Mirëpo për Fax Web, ka thënë se ka patur përplasje fizike dhe kërcënime të drejtëpërdrejta për jetën, duke akuzuar Fredi Alizotin për sjellje brutale ndaj protestuesve
“Ka pasur përplasje fizike madje dhe kërcënim të drejtëpërdrejtë për jetën. Sjellja Albert Nushit i cili ka dalë në përgjimet me Alfred Alizotin ka qënë brutale dhe e paprecedentë. Janë disa të shoqëruar nga protesta e Librazhdit. Pas ndalimit tim ndërhyrja ka qenë tepër brutale. Madje pas ndalimit tim është goditur kryetari i PD dhe ish-kryetari i komunës. Duket se targetimi ka qënë i qëllimshëm dhe provokimi i njerëzve nuk ka qënë rastësor. Ky i Alizotit është një njeri që e ka pasur të programuar ndërhyrjen e tij, natyrisht duke marrë urdhëra politik.
Madje ky rasti i Babales, është shprehur në sinqeritet e sipër se merr vetem urdhra politik”, u shpreh ish-deputeti Boçi.
