Ish-kryeministri Sali Berisha ka folur rreth shpalljes së tij “non-grata” nga SHBA, në emisionin “Çim Peka Live” në Syri Tv. Berisha tha se historiku i tij me SHBA buron në besimin e thellë se populli shqiptar ka vokacion perëndimor. Ai tha se sekretari amerikan i shtetit është keqinofrmuar dhe se nuk beson se angazhohet vetë me shqyrtimin e dosjeve. Sipas Berishës, ky është lobimi hakmarrës i Ramës dhe Sorosit.
“Historiku im me SHBA buron në një besim timin të thellë se pavarësisht nga të gjitha dramat përsëri ky komb ka vokacion perëndimor. Në fjalën time me 22 dhjetor 1990, kryefjalimi i jetës time ka qenë se PD do jetë parti e vokacionit të shqiptarëve. Rilindasit e kanë meritën e jashtëzakonshme se doktrinën e hartuan në Perëndimore, ata nga kryeqyteti i perandorisë otomane qëmtuan doktrinën. Është deklaruar më 22 dhe i është përmbajtur. Jam krenar që arrita të bëhen interpret i vokacionit të shqiptarëve. Kur ka ardhur Jim Baker, thotë kam ardhur me ftesë të Sali Berishës. Më pyeti, Sali, a ka rënë komunizimi. I thashë, ka rënë por mbetjet e tij janë shumë toksike. Nga fjalimi nuk heq asnjë gërmë, Kjo që ndodhi, kam bërë veprimet e mia. Është sinemateria. Është keqinformuar sekretari Blinken. Nuk besoj që vetë angazhohet për shqyrtim të dosjeve. Është lobimi hakmarrës i Ramës dhe miliarderit Soros”, tha Berisha.
