Forca të shumta policie kanë blinduar këtë të enjte zonën e Astirit në kryeqytet, pas një telefonate në sallën operative të policisë ku një vajzë ka kërkuar ndihmë, duke raportuar se ishte dhunuar nga disa persona.
Përkatësisht, vajza ndodhej në katin e 8-të të një banese dhe ka njoftuar se ka qenë viktimë e dhunës.
Në vendngjarje kanë mbërritur menjëherë Forcat e Ndërhyrjes së Shpejtë, RENEA, grupi hetimor dhe shërbimet zjarrfikëse, të cilët po punojnë për zbardhjen e rrethanave të ngjarjes dhe ofrimin e ndihmës për qytetaren.
Sipas informacioneve të policisë, shtetësja S.Q. ka mbyllur derën e banesës dhe refuzon të hapë për t’u bashkëpunuar me shërbimet e sigurisë, ndërkohë që po zhvillohen negociata për të siguruar qetësinë dhe sigurinë e saj.
