SPAK po shndërrohet në “shtëpinë” e dytë të disa prej zyrtarëve të lartë të politikës.
Ditën e sotme radhën e ka pasur Blendi Gonxhja, drejtori i Drejtorisë së Përgjithshme të Transportit Rrugor (DPSHTRR).
Kujtojmë që Nisma “Thurje” dy vite më parë kallëzoi në Strukturën e Posaçme Anti-korrupsion (SPAK) Drejtorinë e Shërbimeve të Transportit Rrugor (DPSHTRR), Blendi Gonxhja për shpërdorim detyre dhe shkelje të barazisë në tenderë. Në kallëzimin e depozituar në SPAK, Nisma Thurje i kërkon prokurorëve të hetojë në mënyrë të thelluar gjithë procedurat e zhvillimit të tenderave publik që lidhen me kompanitë që zotëron, apo lidhen me zotin Gonxhja.
Nisma thotë se kompani private të qiradhënies së makinave, të cilat lidhen me Gonxhen, kanë përfituar në mënyrë të dyshimtë tenderë publik. Gjithsesi vlen të theksohet se akoma nuk dihet nëse Gonxhe është thirrur për këtë apo jo, kjo mbetet për tu parë në vijim. Mister deri më tani ka mbetur edhe paraqitja e kryebashkiakut të Vlorës në SPAK teksa ai nuk tregoi asnjë detaj pas daljes nga godina. Kryebashkiaku nuk ka pranuar të japë asnjë detaj në lidhje me thirrjen e tij. “Pyesni SPAK për më shumë informacione”, iu tha Leli gazetarëve.
Kujtojmë që po atë ditë kryeministri Edi Rama e sulmoi hapur kryebashkiakun Leli për mbarëvajtjen e punës dhe çështjes së pastrimit në Vlorë.
