Spanja u godit nga përmbytjet katastrofike 2 ditë më parë, ku si pasojë deri tani kanë humbur jetën 158 perona.
Ndërkohë banorët e komunës Picassent në jug të Valencias kanë dhënë dëshmitë e tyre për përjetimet e kësaj katastrofe natyrore.
Banorët thonë se këshilli bashkiak e dha me vonesë urdhërin për mbylljen e shkollave.
Një mësuese e shkollës në San Cristóbal, Carolina Higueras, 30 vjeç, mori një telefonatë nga tregtari i saj: kishte blerë një makinë dhe ai i tha ta merrte atë pasdite. Ajo mori makinën e saj të vjetër dhe shkoi në periferi të Valencias, bashkë me bashkëshortin.
“Ne nuk kishim as pesë minuta që ndodheshim atje kur na thanë se duhej të largoheshim menjëherë: po vinte shumë ujë.” Ata u larguan për t’u kthyer në Picassent, por rruga tashmë ishte shembur. Vazhduan të ecnin në rrugën dytësore, derisa nuk panë asnjë mundësi tjetër përveçse të ngjiteshin nga dritaret.
“Ne u ngjitëm në çatinë e makinës. Dolëm menjëherë ose do të kishim ngecur. Ishte një situatë e dëshpëruar. Për të gjithë ata që ishin tashmë në rrugën kryesore ishte e pamundur të ktheheshin. Makinat filluan të grumbulloheshin njëra mbi tjetrën. Mund të shihje dyshekë që notonin jashtë qendrës tregtare, helikopterë që fluturonin sipër… Shkruajta numrin e telefonit të vëllait tim në krah, në rast se do të kisha nevojë të telefonoja dikë”.
Së bashku shkuan drejt qendrës tregtare: ajo ishte rrafshuar. Ishte vetëm një godinë e hapur, ajo e kompanisë Onyx. Kati i parë ishte përmbytur dhe i njëmbëdhjeti, me një lloj dhome të madhe, ishte shndërruar në një zonë për të pritur personat e prekur nga tragjedia. “Na dhanë ushqim dhe pije. Ishim rreth 70 vetë. Gjëja më e keqe ishte era dhe ndjenja e pafuqisë.
Esther Tronchoni, 65 vjeç, gjithashtu banore e Picassent, e kaloi natën zgjuar në shtëpinë e saj. “Ishte e pabesueshme. Nuk kisha pasur kurrë një përvojë të ngjashme. Binte shumë shi, frynte shumë erë dhe ishte shumë vapë. Binin gurë në madhësinë e vezëve. Nga brenda shtëpisë dëgjoje zhurmën”.
Komuna Picassent ka 20.700 banorë të cilët mbrëmjën e kaluar e kaluan edhe pa energji elektrike.
